بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 30 نومبر ءَ سھب ءِ ھپت ءِ نزیک ءَ بولان ءِ ھند بی بی نانی ءَ پاکستانی پوج ءِ کاروان ءَ ھواریں سے گاڑی چہ نزیک ءَ نشانگ کرتگ۔ارش ءِ آسر ءَ پنچ کارمند جاھی مرتگ ءُ باز ٹپی بیتگ۔ ارش ءَ پد پاکستانی پوج ءَ شھدگ سرجم ءَ بند کرتگ۔
آئی ءَ گوشتگ کہ بی ایل ایپ ءِ سرمچاراں 29 نومبر ءِ شپ ءِ ھپت ءِ نزیک ءَ کوھلو ءِ ھند نوشام ءَ برجاھیں یک چوکی یے ءِ سر ءَ چہ سکا نزیک ءَ ارش کرتگ۔ ھمے میان ءَ سرمچاراں دژمن ءِ بنجل ءِ سر ءَ آر پی جی ءِ باز گولا آس داتگ کہ آ نشانگ ءَ کپتگ اَنت۔ چہ سنگرانی راکٹ ءِ لگگ ءَ دو کارمند مرتگ۔
آئی ءَ گوشتگ کہ بی ایل ایپ ءِ سرمچاراں 30 نومبر ءِ بیگاہ ءِ پنچ ءِ نزیک ءَ مند سورو ءَ برجاھیں زورگریں پاکستانی پوج ءِ مزنیں بنجل چہ جتائیں نیمگاں نشانگ کرتگ۔ ارش ءِ میان ءَ سرمچاراں گرنیڈ لانچر ءَ ھوار مزنیں سلاہ کارمرز کرتگ اَنت، ایشی آسر ءَ زورگریں پوج ءَ جانی ءُ مالی تاوان بوتگ۔
جارکش ءَ گوشتگ کہ بی ایل ایپ ءِ سرمچاراں 29 نومبر ءَ بیگاہ ءِ پنچ ءِ نزیک ءَ پَنجگُور ءِ ھند سوراپ ءَ سی پیک دگ داں چار ادار ءَ بستگ ءُ پٹ ءُ پول کرتگ۔ ھمے میان ءَ سرمچاراں پہ پنجاپ ءَ گیس بروکیں چار گاڑی نشانگ کرتگ ءُ تاوان داتگ۔
آئی ءَ گوشتگ کہ بی ایل ایپ ءِ سرمچاراں دگہ یک کاروائی یے ءَ 29 نومبر ءِ شپ ءَ ھپت ءِ نزیک ءَ ھاران شھر ءَ ریڈ زون ءَ ایم آئی ءِ کارگس گوں دستی بمب ءَ نشانگ کرتگ کہ آ کارگس ءِ تہ ءَ کپتگ ءُ ترک اتگ۔
جارکش ءَ گوشتگ کہ بی ایل ایپ ءِ سرمچاراں دگہ یک کاروائی یے ءَ 28 نومبر ءَ شپ ءِ نُھ ءُ نیم ءَ کیچ، دشت ءِ بل نگور ءَ برجاھیں زورگریں پاکستانی پوج ءِ بنجل ءِ سر ءَ راکٹ لانچر ءِ باز گولا آس داتگ کہ آ بنجل ءِ تہ ءَ کپتگ اَنت ایشی آسر ءَ دژمنیں پوج ءَ جانی ءُ مالی تاوان بوتگ۔
آئی ءَ گوشتگ کہ زورگریں پوج ءَ 28 نومبر ءَ کچی ءِ ھند ڈاڈر ءَ سرمچارانی بگیری ءَ زمینی ءُ برزی لشکرکشی بندات کرتگ داں بیست ءُ چار ادار ءَ برجاہ بیتگ۔ اے کاروائی ءِ میان ءَ دژمن ءِ برزی ارش ءَ شپ ءِ یک ءَ سرمچارانی بگیری ءَ ڈرون بالیگراب ءِ کمک ءَ سے میزائل آس داتگ بلے درسیں سرمچار پہ سلامتی درکپتگ اَنت۔ دومی سھب ءَ شش ءِ نزیک ءَ سرمچاراں دژمنیں پوج ءِ دیمی پہ دیمی کرتگ ءُ دوئیں نیمگاں ترندیں میڑے برجاہ بیتگ۔ دژمنیں پوج ءِ گون ءَ اے میڑ ءَ سرمچار کدیر اھمد پنام دلجان ء ابدلمالک شھید بیتگ۔
جارکش ءَ گوشتگ کہ شھید بیتگیں سرمچار کدیر اھمد پنام دلجان ء ابدلمالک بنگلزھی مستونگ ءِ ھند اسپلنجی ءِ جاہ منند اِنت کہ دو ماہ پیش پہ بلوچ راجی زرمبشت ءَ بی ایل ایپ ءَ ھوار بیتگ ءُ آئی کسانیں وھدے ءَ وت ءَ یک جپاکش ءُ نہ ترسیں سرمچارے پیش کرتگ۔
میجر گھرام بلوچ ءَ ارشانی زمہ واری من اتگ ءُ گوشتگ کہ شھید سرمچار کدیر اھمد پنام دلجان ء ابدلمالک ءَ آئی گرانبھائیں دیمونیانی سر ءَ ستک شانی ندر کن ایں ءُ ھمے کول ءَ کن ایں داں بلوچستان ءِ آجوئی ءَ زورگریں توانمندانی بگیری ءَ کاروائی برجاہ بنت۔
