شال : وائس پار بلوچ مسنگ پرسن (وی بی ایم پی ) ءِ زھرشانی گدان ءَ شال پریس کلب ءِ دیم ءَ 5990 روچ سرجم بوتگ۔ مرچی زھرشانی گدان ءَ گل ءِ چیرمین نسراللہ بلوچ ساڑی بوتگ۔
نسراللہ بلوچ ءَ گوشتگ کہ وائس پار بلوچ مسنگ پرسن یک در سیاسی ءُ انسانی ھکانی گلے۔ چہ پاکستان ءَ زوریں بیگواھی ءَ ھلاس کنگ ءُ آئین ءِ واکداری ءَ لوٹ ایت۔
آئی ءَ گوشتگ کہ پمشکا ما چہ 17 سالاں وی بی ایم پی ءِ رد ءَ پرایمن ءُ راھبند ءِ رد ءَ درکانودی گامگیج، زوربیگواھیانی سرجم ءَ ھلاسی ءُ بیگواھیں مردمانی آجوئی ءَ جھد کنگ ءَ ایں۔
نسراللہ بلوچ ءَ گوں سرکار ءُ ڈیھ ءِ ادارھانی سروکاں لوٹ کرتگ کہ آ زوریں بیگواھی ءِ جیڑہ ءَ انسانی ھمدردی ءِ بنیاد ءَ پچار اَنت ءُ ایشی ءِ ھلاس کنگ ءَ زوت گامگیج بزور اَنت۔
