بلوچستان لبریشن پرنٹ (بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 3 نومبر 2025 ءِ بیگاہ ءَ جاؤ ءَ زورگریں پاکستانی پوج ءِ سے گاڑیانی کاروانے ءِ سر ءَ سنگر گپتگ گوں ٹوھیں سلاھاں ارش کرتگ۔ ارش ءَ پوج ءِ یازدہ کارمند مرتگ ءُ کیپٹن ارتزا ءَ ھوار شش کارمند سکا ٹپی بوتگ۔
گھرام بلوچ ءَ گوشتگ کہ اُرش ھمنچو ترند بوتگ کہ پوج ءِ کاروان ءَ ھواریں سے ئیں گاڑی تباہ بوتگ اَنت کہ پوج ءِ کارمنداں وتی رکینگ ءِ موہ نہ رستگ۔ اُرش ءَ پد بی ایل ایپ ءِ سرمچار پہ سلامتی وتی بنداراں سر بوتگ اَنت۔
جارکش ءَ گوشتگ کہ سرمچاراں جاؤ ءِ میتگ پتکی ءَ پوج ءِ لشکر کشی ءُ زوربیگواہ کنگ بوتگیں کودکیں مزدور ھمزہ بلوچ ءِ شھیدی ءِ ھال ءِ پژدر ءَ پوج ءِ واتر روکیں کاروان ءِ سر ءَ اُرش کرتگ۔ارش ءَ پد زورگریں پوج ءَ وتی ٹپی بوتگیں کارمند چہ برزی کمک ءَ آواران ءُ ھزدار ءَ برتگ انت۔
آئی گوشتگ کہ زورگریں پوج ءِ ابرم اِنت کہ آ وتی مرتگین ءُ ٹپی بوتگیں کارمندانی سرجمیں ھال ءَ کدی شنگ نہ کنت دانکہ پوج ءِ آدگہ کارمند بے توکل مہ بنت۔ پوج چہ بلوچ سرمچارانی اُرشاں سسائی نادراھیانی آماچ اِنت برزی کمک ءِ بوگ ءَ ابید وتی کارمندانی لاشانی زورگ ءَ ترس آماچ اِنت۔
میجر گھرام بلوچ ءَ ارش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ بی ایل ایپ ءِ ترندیں کاروائی برجاہ بنت۔
