ھب چوکی: پجار نہ بیتگیں مردماں ماھولیاتی مٹیانی سرگرمیں کارکن زنیرہ بلوچ ءِ گس ءَ ارش کرتگ ءُآئی کاگد ءُ گرانھادیں سامان تاوان داتگ اَنت۔
بنشون ءِ رد ءَ زنیرہ بلوچ ءِ گس ءَ ھما وھد ءَ ارش کرتگ کہ زنیرہ بلوچ گس ءَ ساڑی نہ بیتگ ءُ آ پہ سورے ءَ ھزدار ءَ شتگ۔
گس ءَ ارش ءِ گپ زنیرہ بلوچ ءَ راست کرتگ ءُ گوشتگ کہ پجار نہ بیتگیں مردماں منی گس ءَ سامان پرشت ءُ پروش کرتگ اَنت۔ آیاں منی پاسپورٹ ءُ یونیسپ ءِ سرکاری کاگد ھم تاوان داتگ اَنت۔
چوش کہ زنیرہ بلوچ ءِ پت ابدلکیوم زھری پاکستانی پوج ءَ نومبر 2020 ءَ چہ ھب چوکی ءَ آوار جتگ ءُ بیگواہ کرتگ اَت ءُ رند ءَ سی ٹی ڈی ءَ گوں دگہ سے مردمانی ھواری ءَ کشتگ اَت۔
