مند: بلوچ آباد ءَ پہ زوربیگواھیں پھد ء اسمان، ھارون ء مھمد جان ءُ ھمود ء مھمد جان ءِ آجوئی ءَ زھرشانی ءَ نشتگیں کھولاں گوں انتزامیہ ءَ گپ ءُ تران ءَ پد وتی زھرشانی ھلاس کرتگ۔
اھوالکار ءِ رد ءَ مرچی چہ دمگ ءِ ڈپٹی کمشنر ءِ نیمگ ءَ پہ گپ ءُ تران ءَ تمپ ءِ اسسٹنٹ کمشنر شیھک بلوچ ءُ اے ڈی سی مکبول انور ءَ گوں مردماں تران کرتگ ءُ گوشتگ کہ یک ھپتگے ءِ تہ ءَ شمئے مردم آجو کنگ بنت۔
چہ انتزامیہ ءِ نیمگ ءَ کھولانی دلجمی دیگ ءَ پد آیاں وتی زھرشانی ھلاس کرتگ۔
چوش کہ پھد بلوچ، ھارون بلوچ ءُ ھمود بلوچ پاکستانی پوج ءَ 23 اکتوبر ءَ آوارجتگ ءُ بیگواہ کرتگ اَنت۔ مرچی آیانی کھولءِ زھرشانی نندانک ءَ شش روچ سرجم بیتگ۔
