ڈیرہ بگٹی : چہ سوئی ءَ پاکستانی پوج ءَ شش مردم آوار جنگ ءَ پد بیگواہ کرتگ.
بنشون ءِ رد ءَ پاکستانی پوج ءَ ڈیرہ بگٹی ءِ ھند سوئی ءَ بگرا کالونی ءُ بگٹی کالونی ءَ بیڑ برتگ بیڑ برگ ءِ میان ءَ گوں مردماں زوراکی کرتگ گس پٹ ءُ پول کرتگ اَنت پنچ مردم آوار جتگ آیانی نام ابراھیم ء رستم بگٹی، لاکرم ء منشی بگٹی، اھسان ء شریپ بگٹی، ماندھا بگٹی ء اٹل بگٹی ءُ نوردین ء زُنو بگٹی اِنت۔
ھمے وڑ ءَ پاکستانی پوج ءَ سوئی ءِ بازار ءَ چاہ ءِ ھوٹل ءَ کارکنوکیں یوسپ ء شیرمھمد بگٹی نامیں مردمے آوار جتگ ءُ بیگواہ کرتگ ۔
چوش کہ گوستگیں روچ ءَ پاکستانی پوج ءَ ڈیرہ بگٹی ءِ ھند سوئی باراز ءَ ماسٹر گوس بکش نامے مردم آوار جنگ ءَ پد بیگواہ کرتگ ات ۔
