آواران ءِ ھند مشکے ءَ پاکستانی پوج ءَ بیڑ برتگ ءُ دو ورنا ابید گلام ءُ شپیک اھمد آوار جنگ ءَ پد بیگواہ کرتگ اَنت۔
بنشون ءِ رد ءَ پاکستانی پوج ءَ 11 اکتوبر 2025 ءَ مشکے ءِ میتگ کچ ءَ بیڑ برتگ ءُ ابید گلام ء گلام مھمد ءُ شپیک اھمد ء رپیک بلوچ آوار جتگ ءُ برتگ اَنت۔
آیانی زوریں بیگواھی ءِ گپ بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ راست کرتگ ءُ گوشتگ کہ ابید گلام یک مزدورے ءُ شپیک اھمد یک نودربرے دوئیں کُچ ءِ جاہ منند اَنت۔
ھمے وڑ ءَ کیچ ءِ ھند کولواہ ءَ پاکستانی پوج ءَ دو ورنا منزور بلوچ ء مھمد ءُ بلال بلوچ ءِ اللہ بکش آوار جتگ ءُ بیگواہ کرتگ اَنت۔ دوئیں ورنا کولواہ ءِ میتگ آشال ءِ جاہ منند اَنت۔
