وائس پار بلوچ مسنگ پرسن (وی بی ایم پی) ءِ سروک نسراللہ بلوچ ءَ گوشتگ کہ 4 اکتوبر 2025 ءَ زوربیگواھیں شبیر بلوچ ءِ زوریں بیگواھی ءِ نُھ سال سرجم بوگ ءِ بگیری ءَ کھول ءِ نیمگ ءَ کیچ ءَ زھرشانی روانکے کشگ ءُ مراگش برجم دارگ ءِ جار جنگ بوتگ ما ایشی پلہ مرزی ءَ کن آں ۔
آئی گوشتگ کہ ما گوں درستیں سیاسی ،نودربر گل ،ءُ کیچ ءِ نشتگیں درستیں مردماں دزبندی کن آں کہ آ 4 اکتوبر 2025 ءَ بیگاہ ءِ 3 ءَ شھید پدا اھمد چاراہ ءَ زھرشانی ءُ مراگش ءَ بھر بزور اَنت پہ شبیر بلوچ ءِ آجوئی ءَ توار چست بکن اَنت ۔
