بلوچ لبریشن آرمی ( بی ایل اے ) ءِ جارکش جیھند بلوچ ءَ گوشتگ کہ بی ایل اے ءِ سرمچاراں دو جتائیں ارشاں زورگریں پاکستانی پوج نشانگ کرتگ۔
آئی ءَ گوشتگ کہ بی ایل اے ءِ سرمچاراں کلات ءِ ھند زاوہ ءَ زورگریں پاکستانی پوج ءِ سر ءَ ارش کرتگءُ شش کارمند کشتگ۔ اے ارش ءَ نوکیں سلاہ کارمرز کرتگ اَنت۔
جارکش ءَ گوشتگ کہ سرمچاراں زورگریں پوج ھما وھد ءَ نشانگ کرتگ کہ آ ھمے ھند ءَ پہ زوراکی ءِ نیت ءَ پترگ ءَ بیتگ۔ چہ بازیں تاوان ءِ سوب ءَ زورگریں پوج پہ پدکنزگ ءَ لاچار بیتگ۔
آئی ءَ گوشتگ کہ بی یل اے ءِ سرمچاراں دوشی تربت ءِ ھند آپسر بورڈ ءَ زورگریں پوج ءِ یک چوکی یے گوں دستی بمب ءَ نشانگ کرتگ۔ ایشی آسر ءَ پوجی کارمنداں جانی ءُ مالی تاوان بیتگ۔
جیھند بلوچ ءَ درشان ءِ گڈی ءَ ارشانی زمہ واری من اتگ۔
