بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بولان ءِ ھند مارگٹ جاپری ءَ زورگریں پاکستانی لشکر ءِ یک گاڑی یے گوں چیر کرتگیں شورھاں نشانگ کرتگ۔
آئی ءَ گوشتگ کہ سرمچاراں گاڑی ھما وھد ءَ نشانگ کرتگ کہ آ دُژمنیں لشکر ءِ پانگس ءَ سامان برگ ءَ بوتگ۔ تراک ءِ آسر ءَ کم چہ کم سے کارمند جاھی مرتگ ءُ گاڑی سرجم ءَ تباہ بوتگ۔
بی ایل اے ءِ جارکش جیھند ءَ اُرش ءِ زمہ واری منّ اتگ ءُ گوشتگ کہ داں زورگریں پاکستانی لشکر ءِ چہ بلوچستان ءَ در آھگ ءَ مئے اُرش برجاہ بنت۔
