تربت: پاکستانی پوج ِءِ دست ءَ زور بیگواھیں لا کالج تربت ءِ نودربر جیھند لیاکت ءِ زوریں بیگواھی ءِ بگیری ءَ لا کالج ءِ نودربراں کالج ءَ بے تواریں روانکے کش اتگ۔
روانک ءَ بچک ءُ جنکیں نودربراں بازیں کچے ءَ بھر زرتگ کہ آیاں زور بیگواھیں جیھند لیاکت ءِ اکس ءُ پلے کارڈ دستاں بیتگ اَنت۔ پلے کارڈانی سر ءَ جتا جتائیں اوگام نبشتہ بیتگ۔
چوش کہ جیھند لیاکت ءَ پاکستانی پوج ءَ 25 مئی 2025 ءَ چہ بگ ءَ آوار جتگ ءُ بیگواہ کرتگ۔ آئی بیگواھی ءِ بگیری ءَ کھول ءَ تربت ءَ زھرشانی کنگ ءَ ابید اے وھد ءَ اسلام آباد ءَ برجاھیں زھرشانی ننداک ءَ ھم نشتگ۔
گوستگیں روچ ءَ چہ نودربرانی نیمگ ءَ روانک ءِ جار جنگ بیتگ اَت گڑا جیھند لیاکت ءِ کھول ءَ روانک ءِ پلہ مرزی ھم کرتگ اَت۔
