گزہ: اسرائیلی پوج ءِ جھلی کاروائیاں دگہ نود پلستینی مرتگ۔
جھانی رسانکدر ءِ رد ءَ گوستگیں لھتیں ھپتگاں اسرائیل ءِ برجاھیں برزی بمبگواری ءَ پد اسرائیلی لشکر ءَ زمینی کاروائی بندات کرتگ۔ اسرائیلی کاروائیانی آسر ءَ دگہ نود پلستینی مرتگ۔
دومی نیمگ ءَ اسرائیل ءِ زمینی کاروائی جرمنی ءُ یورپی یونین ءَ ایر جتگ اَنت۔
یورپی یونین ءِ دری پالیسیانی سروک کایا کالاس ءَ گوشتگ کہ جھلی اُرش گزہ ءِ ناگیگیں جاوراں گیش ناگیگ کنت۔
ایشی ءَ ابید کینیڈا ءَ ھم کاروائیانی سر ءَ گوشتگ کہ گزہ شھر ءَ اسرائیل ءِ جھلی اُرش ترسناک اِنت۔ اسرائیلی اُرش انسانی تباھی ءَ گیش کنت۔ اسرائیل ءَ بین الاکوامی کانود منگ لوٹ ایت۔
