بلوچ لبریشن آرمی( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زامرانءُ کلات ءَ دو جتائیں ارشاں زورگریں پاکستانی پوج ءِ دہ کارمند کشتگ۔
آئی ءَ گوشتگ کہ بی ایل اے ءِ سرمچاراں مرچی کیچ ءِ ھند زامران ءِ نوانو ءَ زورگریں پاکستانی پوجءِ کاروان ءَ ھواریں یک گاڑی یے ھما وھد ءَ گوں چیر کرتگیں شورھاں نشانگ کرتگ کہ زورگریں پوجءَ ھمے ھند ءَ زوراکی ءَ پد واتر آھگ ءَ بیتگ اَنت۔ تراک ءِ آسر ءَ گاڑی سرجم ءَ تباہ بیتگ ءُ آئی ءَ سواریں درسیں نُھ کارمند جاھی مرتگ اَنت۔
جارکش ءَ گوشتگ کہ بی ایل اے ءِ سرمچاراں زی کلات ءِ ھند مورگند ءَ زورگریں پاکستانی پوج ءِ پانگس نشانگ کرتگ۔ ارش ءَ پوج ءِ یک کارمندے مرتگ ءُ دگہ دو ٹپی بیتگ۔
جیھند بلوچ ءَ درشان ءِ گڈی ءَ ارشانی زمہ واری من اتگ ءُ گوشتگ کہ دژمن ءِ سر ءَ ارشانی ترند کنگ ءِ کول ءَ کن ایں۔
