شال: پہ بیگواھیں مردمانی پد ءَ جنگ ءَ برجاھیں وی بی ایم پی ءِ زھرشانی گدان ءَ 5877 روچ سرجم بوتگ۔ مرچی گل ءِ ایگزیکٹو کمیٹی ءِ باسک نیاز نیچاری گدان ءَ ساڑی بیتگ۔
نیاز نیچاری ءَ گوں مردماں تران کرتگ ءُ گوشتگ کہ ریاستی ادارھاں پہ ڈیھ ءِ سلامتی ءِ نام ھمے سال ءَ بلوچانی زوربیگواھی ءُ بیگواھیں مردمانی درکانودی کوش تیز کرتگ۔
آئی گوشتگ کہ گل ءَ اے ھال ھم دیگ بوتگ کہ آواران ءِءِ ھند مَشکے ءَ پوج ءِ دست ءَ بیگواہ کرتگیں کریم جان ءَ پاکستانی پوج ءَ بندیگ ءَ آزار داتگ ءُ کشگ۔
نیاز نیچاری ءَ گوشتگ کہ آئی کھولءِ رد ءَ کریم جان ءَ پاکستانی پوج ءَ 22 پروری 2025 ءَ وتی بنجل ءَ لوٹئینتگ بیگواہ کرتگ ءُ شمبے ءِ روچ ءَ آئی لاش کھول ءِ دست ءَ دیگ بوتگ کہ یک بژنی گپے ما ایشی ءَ ایر جن ایں۔
نیاز نیچاری ءَ گوشتگ کہ بلوچانی زوربیگواھی ءُ آیانی درکانودی کوش ڈیھ سلامتی ءِ ھک ءَ نہ اِنت۔ اےدرکانودی گامگیج ءِ سوب ءَ سرجمیں بلوچستان ءَ جنجال گندگ بوگ ءَ انت۔ ریاستی ادارھانی سروکاں بلوچستان ءِ درگت ءَ نوں شر بوگ لوٹ ایت۔
