کیچ: گورکوپ ءَ چه پاکستانی پوج ءِ وتسریں مارٹر گولا ءِ آس دیگ ءَ دو مردم بیران ءُ پنچ مردم ٹپی بیتگ.
اھوالکار ءِ رد ءَ اے ویل زی بیگاه ءَ ھما وھد ءَ بیتگ که نشانگ کنگ بیتگیں مردم لیب جاه ءَ لیب ءَ بیتگ اَنت ، تراک ءِ آسر ءَ اَلی ء گلام ، شھباز ء دوستین ، نسیر ء مھراب ، جمیل ء دلمراد ، جملا ء ھمید ، برکت ء اکبال ءُ وزیر گلام الی ٹپی بیتگ اَنت.
چه ٹپی بیتگیں مردماں چار مردم ءِ جاور ناگیگ بیتگ که آ په الاج ءَ کراچی ءَ دیم بیتگ اَنت چه اِشاں دو مردم ءَ کراچی ءَ برگ ءِ میان ءَ ٹپانی درد نه سگ اِتگ ءُ بیران بیتگ اَنت۔
چوش کہ ایشی پیش ھم ھوشاپ ءُ گورکوپ ءَ پاکستانی پوج ءِ وتسریں ماٹر گولا ءِ آس دیگ ءَ مردم بیران ءُ ٹپی بیتگ اَنت۔
