بلوچ یکجھتی کمیٹی ءِ سروک زوربیگواھیں ڈاکٹر دین مھمد ءِ جنک سمی دین ء۔ گوشتگ کہ امران بلوچ یک سْیاسی کارکنے زوربیگواھی ءُ انسانی ھکانی لگتمالی ءِ بگیری ءَ جھد ءَ بوتگ کہ آ بے بنیاد ءُ درکانودی تھری ایم پی او ءِ رد ءَدزگیر کنگ بوتگ ءُ گوستگیں سَے ماہ اِنت گڈانی ءِ زندان ءَ بندیگ اِنت۔
آئی گوشتگ کہ سَے ماہ ءِ کانودی وھد ءِ سرجم بوگ ءَ پد گوستگیں روچ ءَ آ یل کنگ بوتگ۔ یل بوگ ءَ پد زوت گڈانی پولیس ءَ امران دوبر بے میار ءَ دزگیر کرتگ ءُ زندان بند کرتگ۔
سمی دین ءَ گوشتگ کہ اے کار ھمے گپ ءِ پدریں منانک اِنت کہ بلوچ سْیاسی کارکناں پجار نہ بوتگیں زوراکانی زور دیگ ءَ درکانودی ءُ بیرگیری ءِ کاروائیانی نشانگ کنگ بوگ اَنت۔ اود ءَ نہ کانود ءِ دست رسیت نہ کہ راھبند چارگ بیت، نہ آمیدگس کار کنت۔
