تربت: پارک ھوٹل ءِ دیم ءَ چہ پاکستانی پوج ءِ آزار جاھاں آجو بیتگیں ورنا ادیل بلوچ ءَ پجار نہ بیتگیں سلاہ بندیں مردماں نشانگ کرتگ ءُ کشتگ۔
زرمبش جھگیر ءِ رد ءَ کشگ بیتگیں ورنا ادیل بلوچ ء ماسٹر اکبال تربت، آپسر ءِ جاہ منند اِنت۔ مرچی سھب ءَ سلاہ بندیں مردماں پارک ھوٹل ءِ دیم ءَ نشانگ کرتگ ءُ کشتگ۔
کشگ بیتگیں ورنا ادیل 8 مارچ 2023 ءَ پاکستانی پوج ءَ آوار جتگ ءُ بیگواہ کرتگ اَت کہ آ پنچ مارچ 2024 ءَ چہ چیریں آزار جاھاں آجو بیتگ اَت۔ آئی زوریں بیگواھی ءِ بگیری ءَ کھول ءَ باز بر ءَ زھرشانیاں ھم بھر زرتگ اَت۔
چوش کہ چہ ایشی ءَ پیش ھم تربت ءَ ھوار بلوچستان ءِ جتائیں ھند ءُ دمگاں زور بیگواھیں مردم چہ آجوئی ءَ پد پاکستانی پوج ءِ جوڑ کرتگیں کشندہ ٹولی ءِ کارمنداں نشانگ کرتگ اَنت۔
