بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَوتی شنگ کرتگیں درشانے ءَ گوشتگ کہ سرمچاراں آواران ءِ ھند جاؤ ءَ زورگریں پاکستانی لشکر ءِ پانگس ءِ سر ءَ اسنائپر ءُ ٹوھیں سلاھاں اُرش کُرتگ۔
آئی ءَ گوشتگ کہ دو شمبے ءِ بیگاہ ءِ شش ءُ نیم ءَ سرمچاراں زیلگ ءَ برجاھیں دژمنیں لشکر ءِ پانگس ءِ سر ءَ پیسر ءَ گوں اسنائپر توپک ءَ نشانگ کُرتگ ءُ یک کارمندے کُشتگ ءُ پد ءَ گوں نوک ءُ ٹوھیں سلاھاں پانگس ءِ سر ءَ اُرش کُرتگ۔
جارکش ءَ گوشتگ کہ اے اُرش ءَ دُژمن ءِ دگہ یک کارمندے مُرتگ ءُ یکے ٹپی بیتگ ءُ دُژمن ءِ پانگس ءَ باز تاوان بیتگ۔
بی ایل ایپ ءِ جارکش میجر گھرام ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ سرمچارانی اُرش برجاہ بنت۔
