تربت: پاکستانی پوج ءِ دست ءَ بیگواھیں نئیم بشیر ءِ کھول ءَ پریس کانپریس کرتگ ءُ گوشتگ کہ نئیم بشیر 5 پروری 2025 ءَ چہ بھمن ءَ گس ءَ شپ ءِ چار ءَ آوار جنگ بیتگ۔
آئی ءَ گوشتگ کہ نئیم بشیر وتی مات ءُ پت ءِ یکیں بچک اِنت چہ آئی بیگواھی ءَسرجمیں کھول تکانسر اِنت۔ نئیم بشیر شانزدہ سالی ئیں یک پر ایمنیں وانوکیں نودربرے ءُ آ دوازدہ ءَ وانگ ءَ اِنت۔
آئی ءَ گوشتگ کہ دو ائید گوستگ نئیم گس ءَ ساڑی نہ بیتگ چہ ایشی ءَ کھول گیشتر جنجال بیتگ۔
آئی ءَ گوشتگ کہ نئیم بشیر ءِ زوریں بیگواھی ءَ چار ءُنیم ماہ گوستگ اے میان ءَ ما مدام انتزامیہءُ ھندی سروکانی کِر ءَ شتگ ایں آیاں ھمک وھد ءَ مارا درگیں دلبڈی داتگ کہ نئیم یک ءُ دو روچ ءِ میان ءَ یل کنگ بیت، بلے نوں ما ودار کنگ ءَ دمبرتگ۔
کھول ءَ گوں انتزامیہ ءُ ادارھاں لوٹ کرتگ کہ نئیم بشیر زوتاں چہ زوت یل کنگ بہ بیت اگاں نہ ما پہ زھرشانی ءُ ھرتال کنگ ءَ لاچار بہ ایں۔
