زورگریں پاکستانی پوج ءَ چہ بلوچستان ءِ جتائیں جاھاں لشکر کشی ءِ میان ءَ ھپت سلاہ بندیں مردمانی کشگ ءِ ٹاپار جتگ۔
پاکستانی پوج ءِ رسانکدری بھرگ آئی ایس پی آر ءِ نیمگ ءَ گوشگ بوتگ کہ پوج ءَ بلوچستان ءِ دمگ کچی ءَ سلاہ بندیں گل ءِ پنچ باسک کشتگ، ھمے وڑ ءَ کلات ءِ ھند مورگندے ءَ سلاہ بندیں گلےءِ دگہ دو باسک کشگ بیتگ اَنت۔
چہ آئی ایس پی آر ءِ نیمگ ءَ گوشگ بیتگ کہ چہ کشگ بیتگیں مردماں بازیں کچے ءَ سلاہ ءُ گولا ھم دستیگ کرتگ۔ آئی ءَ کشتگیں مردمانی پجار انگت ءَ نہ گوشتگ۔
پہ کشگ بیتگیں مردمانی بابت ءَ انچوش گمان کنگ بوگ ءَ اِنت کہ پاکستانی پوج ءِ دست ءَ زور بیگواھیں مردم بنت۔
چوش کہ چہ ایشی ءَ پیش ھم پاکستانی پوج ءَ زور بیگواھیں مردم دروگیں میڑاں کشتگ ءُآیانی لاش چگل داتگ اَنت۔
