گوادر: پاکستانی پوج ءَ دو روچ پیش آوار جتگیں ورنایے آزار داتگ ءُ کشتگ۔
زرمبش جھگیر ءِ رد ءَ کشگ بیتگیں ورنا ءِ نام سلام ء ھیدر اِنت کہ دو روچ پیش پاکستانی پوج ءَ چہ گھٹی دور ءَ آوار جتگ ءُ بیگواہ کرتگ۔ سلام چہ پاکستانی پوج ءِ بازیں آزاراں بیران بیتگ، پوج ءَ مرچی آئی لاش کھول ءِ دست ءَداتگ۔
پاکستانی پوج ءَ لاش ءِ سر کنگ ءِ وھد ءَ سلام ءِ کھول گوشتگ کہ لاش ءَ چہ تابوت ءَ مکش اِت ءُ ھمے ھساب ءَ گلزمین ءِ میار بہ کنت ئے۔
کھول ءَ گوں گوادر ءِ مردماں لوٹ کرتگ کہ آ بیا اَنت ءُ پہ انساپ ءِ لوٹ ءَ مئے گون ءَ کمک بہ کن اَنت۔
