بارکان/بلیدہ: زورگریں پاکستانی لشکر ءَ پنچ زوربیگواھیں مردم کشتگ۔
بنشون ءِ رد ءَ مرچی بارکان ءِ ھند مھمہ سمند ھان ءَ سَے زوربیگواھیں مردمانی لاش دزکپتگ کہ آیانی نام ھک نواز بزدار، شیرو بزدار ءُ گلزمان بزدار اِنت۔
ھک نواز پاکستانی لشکر ءَ 5 اپریل ءَ چہ موسا کیل ءِ ھند کاریڑ ءَ آئی گس ءَ آوار جتگ ءُ شیرو بزدار نوہ ماہ پیسر زوربیگواہ کنگ بوتگ۔ گلزمان ھم پیسر ءَ زوربیگواہ کنگ بوتگ۔
ھمے وڑ ءَ بلیدہ گردانک ءَ پاکستانی لشکر ءَ دو مردم مھراب ء رھمدل ءُ ھان مھمد ء ھیبتاں شش اپریل ءِ سھب ءَ آوار جتگ ءُ آزار داتگ ءُ کشتگ اَنت۔ کشگ بوتگیں دوئیں مردم وت ما وت ناکو زتک اَنت۔ پاکستانی لشکر آیانی لاشاں کھول ءَ دیگ ءَ نہ اِنت۔
