ھب چوکی: سی ٹی ڈی ءَ ھب چوکی ءَ پولیس دست ءِ زوربیگواه کنگ بیتگیں چاکر بگٹی ءِ بیگواھی ءِ گپ راست کرتگ ءُ آئی ءِ سر ءَ دروگیں ارزی نبشتگ.
سی ٹی ڈی ءَ ایپ آئی آر ءَ چاکر ءِ بابت ءَ ببشتہ کنگ بیتگ کہ بلوچ آ بی ایل اے ءِ باسک اِنت ءُ ھب چوکی ءَ پولیس ٹیم ءِ سر ءَ دستی بمب اُرش کرتگ.
دومی نیمگ ءَ زوربیگواھیں چاکر بگٹی ءِ کھول ءَ سی ٹی ڈی ءِ نبشتگیں ارزی رد کرتگ ءُ دروگ لیک اِتگ۔
چوش که چاکر بگٹی ساکران ءِ جاہ منند اِنت 15 نومبر 2024 ءَ ایس ایچ او پولیس سئود ءُ چیریں اداراھانی کارمنداں آوار جنگ ءَ پد بیگواه کرتگ. چاکر ءُ آ دگه زوربیگواھیں مردمانی کھول ءِ نیمگ ءَ زوریں بیگواھیانی بگیری ءَ گوستگیں سے روچاں ھب ، بوانی ءِ نزیک ءَ زھرشانی نندانک برجاه بیتگ ءُ گوستگیں روچ ءَ گوں انتزامیه ءَ گپ ءُ تران ءَ پد آیاں داں بیست روچ ءَ زھرشانی ءِ ھلاس کنگ ءِ جار جتگ.
چاکر ءِ کھول ءَ گوشتگ که آ بے میار ءَ درکانودی آوار جنگ ءُ زوریبگواه کنگ بیتگ چه ایشی ءَ آئی ءَ دروگیں میڑاں جانی تاوان ءِ گمان اِنت۔
