بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کولواہ ءَ پاکستانی لشکر ءِ کاروان نشانک کرتگ کہ ایشی ءِ آسر ءَ دژمن ءِ دو کارمند مرتگءُ یکے ٹپی بیتگ۔
آئی ءَ گوشتگ کہ 28 جنوری ءِ بیگاہ ءِ سے ءَ سرمچاراں کولواہ، رودکان ءَ سنگر گپتگ ءُ پاکستانی لشکر ءِ دو گاڑیانی کاروان نشانگ کرتگ۔ ایشی ءِ آسر ءَ زورگریں پاکستانی لشکر ءِ دو کارمند مرتگ ءُ یکے ٹپی بیتگ۔
جارکش ءَ گوشتگ کہ زورگریں لشکر ءِ اے کاروانءَ ڈاکٹر گون بیتگ ءُ ھمے ھند ءِ مردمانی تہ ءَ وتی لشکری شوندات (Heart and Mind Operation) ءَ آسراتی ءِ نام ءَ مردمانی دل ءُ سسایانی وتی نیمگ ءَ کنگ ءِ بے سوبیں شونداتانی کارگرگ ءِ جھد ءَ پد واتری ءَ سرمچاراں سنگر گپتگ ءُ نشانگ کرتگ۔ ارش ءَ پاکستانی لشکر ءِ گاڑیاں ھم کمو تاوان بیتگ۔
آئی ءَ گوشتگ کہ بلوچستان ءَ ریاست ءِ دل ءُ سسا ءِ وتی نیمگ ءِ شوندات بے سوب بیتگ اَنت، اے ءِ بابت ءَ ریاست ءِ آرمی ءِ سروگان شری ءَ زانت۔ پمشکا یکبرے پد ءَ ھمے بے سوبین شونداتاں کار گرگ ءُ وتی زوراکی ءِ شونداتاں برجاہ دارگ لوٹ ایت۔ بلے بلوچ سرڈگار ءِ پھازدار پہ ھرچ پندل ءِ بے سوب کنگ ءَ جاڑی اَنت۔
میجر گھرام ءَ ارش ءِ زمہ واری من اتگءُ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ ارش برجاہ بنت۔
