ھب چوکی: پاکستانی لشکر ءِ دست ءَ زور بیگواہ کنگ بیتگیں جنید ھمید ءُ یاسر ھمیدءِ زوریں بیگواھی ءِ بگیری ءَ کھول ءِ نیمگ ءَ لسبیلہ پریس کلب ءِ دیم ءَ برجاھیں زھرشانی نندانک ءَسے روچ سرجم بیتگ، مرچی کھول ءَ زھرشانی روانکے کش اتگ۔
روانک ءَ زور بیگواھیں مردمانی کھول، سیاسی ءُ چاگردی کارکناں ھوار زھگ ءُ جنیناں بازیں کچے ءَ بھر زرتگ، زوریں بیگواھیانی بگیری ءَ اوگام جتگ ءُ بیگواھیں مردمانی آجوئیءِ لوٹ کرتگ۔
آیاں تران کرتگءُ گوشتگ کہ مئے گوں سرکار ءَ ھمے یکیں لوٹ اِنت مئے مردماں بیگواہ مہ کنت اگاں کسے ءِ سر ءَ چونیں ھم بھتامے ھست وتی آمیدگس ءَ پیش بہ کنت، بلے مئے ھمے لوٹ گوشدارگ نہ بیت نوں پما تیوک ءَ ھمے راہ پشت کپتگ کہ ما دگانی سرءَِ زھرشانی بہ کن ایںءُ انساپ ءِ لوٹ ءَ بہ کن ایں۔
آیاں گوشتگ کہ پہ بیگواھیں مردماں توار چست کنگ تیوک کھولانی کار نہ اِنت باید اِنت کہ چاگرد ءِ ھر مردم پا د ئبیت ءُ اےزوراکیانی بگیری ءَ گھگیری بہ کنت۔ بلوچ ءِ ھمے یکشلیں گھگیری ِءِ سوب اِنت کہ مرچی بلوچ ءِ پدریچ سرپد بوگ ءُ ریاست ءَ ھمے پیش دارگ ءَ اِنت کہ ما تئی اے زوراکیاں ھچ وڑ ءَ نہ من ایں ءُ تئی ھمک زوراکیانی دیم پہ دیمی ءَ کنیں۔
