کلات| مشکے: زورگریں پاکستانی لشکر ءَ دو مردم آوار جنگ ءَ پد بیگواہ کرتگ اَنت۔
چہ کلات ءَ زور بیگواہ کنگ بیتگیں مردم ءِنام نادر الی مولوی اھمد اللہ اِنت کہ پاکستانی لشکر ءَ زی چہ کڈکوچگ ءَ الھسن ھوٹل ءِ نزیک ءَ گوں آئی برات ابید اللہ ءِ ھواری ءَ آوار جتگ۔ ابید اللہ دوشی دو ءَ چہ بازیں آزاراں پد آجو بیتگ کہ نادر الی انگت ءَ بیگواہ اِنت۔
آئی کھول ءَ گوں انسانی ھکانی گلاں لوٹ کرتگ کہ پہ نادر الی ءِ آجوئی ءَ توار چست بہ کن اِت۔
چہ آواران ءِ ھند مشکے ءَ زورگریں پاکستانی لشکر ءَ ورنایے آوار جنگ ءَ پد بیگواہ کرتگ۔
بنشون ءِ رد ءَ بیگواھیں ورنا ءِ نام اَبید ء آئید مھمد اِنت کہ مشکے تراتدان ءِ جاہ منند اِنت کہ پاکستانی لشکر ءَ چہ زی تراتدان ءَ آوار جتگ ءُ بیگواہ کرتگ۔
