ھاران: زورگریں پاکستا نی لشکر ءِدست ءَ زور بیگواہ کنگ بیتگیں آسم کمبرانی ء مھمد یاکوب ءُ بلال کمبرانی ء مھمد اکبال ءِ کھول ءِ نیمگ ءَ ریڈ زون ءَ زھرشانی نند انک برجاہ اِنت۔
نندانک ءَ زور بیگواھیں مردمانی کھول، سیاسی ءُچاگردی کارکناں ھوار جتائیں بھرگاں سیادی داروکیں مردماں بازیں کچے ءَ بھر زرتگ ءُ نشتگ اَنت۔
آیاں گوں ھندی مردماں لوٹ کرتگ ءُ گوشتگ کہ بیا اَنت زھرشانی نندانک ءَ بھر بزور اَنت ءُ پہ زور بیگواھیں مردمانی آجوئیءَ توار چست بہ کن اَنت۔
بلوچ یکجھتی کمیٹی ھاران ءَ زور بیگواھیں آسم ءُ بلال ءِ کھول ءِ زھرشانی نندانک ءِ پلہ مرزی کنگ ءِ جار جتگ۔
