گوادر: جیمڑی ءِ ھند پانوان ءُ گنز ءَ پاکستانی لشکر ءَ بیڑ برتگ ءُ باز مردم آوار جتگ.
گوستگیں روچ ءَ زورگریں پاکستانی لشکر ءَ جیمڑی ءِ میتگ گنز ءَ بیڑ برتگ ءُ جنین ءُ زھگانی سر ءَ زوراکی کنان ءَ گس پٹ ءُ پول کرتگ اَنت. ھمے میان ءَ زورگریں لشکر ءِ کارمنداں چه گنز ھوٹل ءِ نزیک ءَ سجاد ء واجل ءُ زریپ ء شکیل آوار جتگ ءُ بیگواه کرتگ.
ھمے وڑ ءَ دوشی پاکستانی لشکر ءَ جیمڑی ءِ ھند پانوان ءُ کوه سر بازار ءَ بیڑ برتگ ءُ باز مردم آوار جتگ. چه آوار جنگ بیتگیں مردماں سمد ، زھیر ء ھسن ، اِمران ء مھمد ، ھسن ء اَزیز ، پیرجان ءُ لیاکت سروزی پجارگ بیتگ اَنت.
چوش که گوستگیں روچ ءَ جیمڑی ءِ هند گنز ءُ پانوان ءَ پاکستانی لشکر ءِ سر ءَ دو جتائیں بمب اُرش بیتگ ات ءُ دوئیں اُرشانی زمه واری بی ایل اے ءَ زرتگ ات ءُ گوشتگ ات که اِے اُرشاں پاکستانی لشکر ءِ چار کارمند مرتگ ءُ پنچ ٹپی بیتگ.
