آواران: ھشت سال پیش زورگریں پاکستانی لشکر ء دست ءَ زور بیگواہ کنگ بوتگیں ورنا سوالی ءِ کھول ءَ گوں مردمی ھکانی ادارھاں توار چست کنگ ءِ لوٹ کرتگ۔
کھول ءِ گوشگ اِنت کہ سوالی ء میار آواران ءِ ھند مالار زیرکءِ جھمنند اِنت پاکستانی لشکر ءَ 15 جولائی 2015 ءَ چہ مالار ءَ لشکر کشی یے ءِ میان ءَ گوں دگہ باز مردم ءِ ھواری ءَ آوار جتگ ءُ بیگواہ کرتگ، آدگہ درسیں مردم یل کنگ بوتگ اَنت سوالی انگت بیگواہ اِنت۔
آئی ءِگوشگ اِنت کہ سوالی زوریں بیگواھی ءَ ھشت سال سرجم بوتگ مارا انگت ءَ آئی باروا ھچ وڑیں سرپدی دیگ بوگ ءَ نہ اِنت کہ آ چون ءُ کج ءَ اِنت۔ ڈیھ ءِ آمیدگس پہ جست ءُ انساپ جوڑ کنگ بوتگ اَنت ما ھمے لوٹ ءَ کن ایں اگاں سوالی ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔ چہ آئی زوریں بیگواھی ءَ سوالی ءِ تیوگیں کھول سک رنجیگ اِنت۔
کھول ءَ گوں مردمی ھکانی ادارھاں لوٹ کرتگ ءُ گوشتگ کہ پہ سوالی ءِ آجوئی ءَ توار جست کنگ ءَ مئے کمک ءَ بہ کنت۔
