وائس پار بلوچ مسنگ پرسنءِ سرکماش نسر اللہ ءَ وتی شنگ کرتگیں درشانے ءَ گوشتگ کہ زوربیگواھیں سھل اھمد ءُ جمال ھان مری ءِ زوریں بیگواھی ءِ کیس کھول ءَ وی بی ایم پی ءِ کِر ءَیاداشت کرتگ۔
آئی ءَ گوشتگ کہ سھل اھمد ءُ جمال ھان مری ءِ کھول بی وی ایم پی ءِ زھرشانی گدان ءَ اتکگ ءُآیاں گل ءِ کِر ءَ کیس یاداشت کرتگ ءُ گوشتگ کہ سھل اھمد ء ابداللہ چہ بھمن، تربت ءَ ھمےسال ءِ 10 اکتوبر ءُجمال ھان مری ء میرا ھان چہ کراچی اڈہ ھزارگنجی شالءَ 11 دسمبر ءَ پاکستانی لشکر ءَ زور بیگواہ کرتگ۔
سھل اھمد ءُ جمال ھان مری ءِ کھول ءِ گوشگ اِنت کہ آیانی آزیزانی بابت ءَ کھولاں ھچ سرپدی دیگ ءَ نہ اَنت، چہ ایشی آ سک پریشان اَنت۔
نسر اللہ ءَ گوشتگ کہ کھول گل ءَ دلجمی داتگ اَنت کہ سھل اھمد ءُ جمال ھان مری ءِ کیس ءَ سرکار، پہ زور بیگواھیں مردماں جوڑ بیتگیں کمیشن ءُ اکوم متھدہ ءِ جوڑ کرتگیں ورکنگ گروپ ( پہ زور بیگواھیں مردماں جوڑ بیتگ) دیگ بیتءُ پہ آیانی آجوئی ءَھمک کج ءَ توار چست کن ایں۔
نسر اللہ ءَ گوں سرکارءَ لوٹ کرتگ ءُ گوشتگ کہ سھل اھمد ءُ جمال ھان مری ءِ سر ءَ ھرپیمیں بھتام ھست گڑا آمیدگس ءَپیش کنگ بہ بنت ڈیھ ءِ کانود ءِ رد ءَ آیاں وتی بے میاری بوگ ءِ موہ ءَ بہ دنت، اگاں بے میار اَنت گڑا یل کنگ بہ بنت۔
