بلوچ یکجھتی کمیٹی ءِ نیمگ ءَ 10 دسمبر ءِ انسانی ھکانی میان اُستمانی روچ ءَ تربت ءَ روانکے کّشّگ بیتگ۔ روانک چہ پارک ھوٹل دگ ءَ در کپتگ ءُ شھید پدا اھمد چار راہ ءَ مچ بیتگ اَنت۔
اے روانک ءَ بلوچ یکجھتی کمیٹی ءِ سروک ءُ باسکاں ھوار آدگہ سیاسی، چاگردی گل، نودربر، زور بیگواھیں مردمانی کھول ءُ جتائیں بھرگاں سیادی داروکیں مردماں بازیں کچے ءَ بھر زرتگ۔
آیاں تران کنان ءَ گوشتگ کہ نوید ھمید باسمائیں چاگردی کارکنے بیتگ کہ پاکستان ءِ چیریں ادارھاں آ ناھک ءَ تیر جَتگ ءُ کُشتگ۔
آیاں دیمتر ءَ گْوشتگ کہ انسانی ھکّانی چار مستریں بھر اَنت کہ میان اُستمانی نیمگ ءَ جوڑ کنگ بوتگ اَنت آ گوں چار پڑا بندوک اَنت آیانی تہ ءَ یکے انساپ، آجوئی، برابری ءُ اِنت بلے بلوچ راج چہ ایشاں زِبھر اَنت۔ اے بلوچ ءِ بُنکی ھک اِنت کہ پچگرگ بوتگ۔مرچی سرجمیں دگنیا ءَ پہ انسانی ھکانی پَھازگ ءَ جُھد ءَ اَنت۔
آیاں گْوشتگ کہ اے روچ میان اُستمان ءِ نیمگ ءَ 1948 ءَ جوڑ کنگ بوتگ بلے مروچی ما بلوچ چہ اے روچ ءَ بے بَھر اِنت۔پاکستان پہ پھازداری ءِ نام ءَ چہ دری ملکاں زر گپت بلے ھمے زر بلوچ ءِ سر ءَ پہ زوراکی ءَ ھرچ بوگ ءَ اَنت۔
