بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں شال ءَ سی ٹی ڈی ءِ کارمند ءُ آواران ءَ زورگریں پاکستانی لشکر دو جتائیں اُرشاں نشانگ کرتگ۔
آئی ءَ گوشتگ کہ سرمچاراں دو دسمبر ءِ روچ ءَ سے ءُ نیم ءَ شال ءِ ھند کمبرانی دگ ءَ سی ٹی ڈی ءِ کارمندانی سر ءَ دستی بمب اُرشے کرتگ۔ چہ اُرش ءَ یک کارمندے ٹپی بوتگ۔
جارکش ءَ گوشتگ کہ دگہ یک اُرشے ءَ سرمچاراں گوستگیں روچ ءَ آواران ءِ ھند جاؤ ڈولیجی ءَ برجاھیں پاکستانی لشکر ءِ پانگس ءِ سر ءَ گوں اسنائپر ءَ نشانگ کرتگ ءُ یک کارمندے ءِ کشگ ءَ پد پانگس گوں مزنیں سلاھاں نشانگ کرتگ۔ چہ ایشی دژمن ءَ گیش جانی ءُ مالی تاوان بوتگ۔
میجر گھرام ءَ دوئیں اُرشانی زمہ واری منّ اتگ اَنت ءُ گوشتگ کہ داں بلوچستان ءِ آجوئی ءَ لشکر ءِ سر ءَ اُرش برجاہ بنت۔
