سند: وائس پار مسنگ پرسنز سند ءِ جارکش سسی لوھار ءَ ماں رسانکدر ءَ وتی شنگ کرتگیں درشانے ءَ گوشتگ کہ 17 جنوری ءَ سندی راھشون سائیں جی ایم ءِ سالروچ نزیک بیت گڑا پاکستانی لشکر تیوگیں سند ءَ سندی راجدوستیں کارکنانی گساں بیڑ بارت ءُ سندی کارکنانی بگیری ءَ لشکرکشی کنت۔ دادو ءَ پاکستانی لشکر ءَ سندی کارکنانی گساں بیڑ برگ بندات کرتگ۔
آئی ءَ گوشتگ کہ ما سند ءِ راجی زرمبشت ءُ درسیں مردمی ھکانی گلانی گون ءَ لوٹ کن ایں کہ تیوگیں سند ءَ پاکستانی لشکر ءِ لشکرکشیانی بگیری ءَ توار چست بہ کن اَنت۔
سسی لوھار ءَ گوشتگ کہ داودو ءَ سندی راجدوستین کارکن بلال چانڈیو ءِ گس ءِ سر ءَ اُرش ءَ ایرجن ایں۔
اھوالکار ءِ رد ءَ پاکستانی لشکر ءَ سندی کارکن بلال چانڈیو ءِ گس ءَ بیڑ برتگ ءُ گسانی سامانی پرشت ءُ پروش ءِ ھواری ءَ جست ءُ پرس ءِ نیمون ءَ جنین لٹ شاپ کرتگ اَنت۔
