بلوچ استمانی لشکر ( بی آر اے ) ءِ جارکش سرباز ءَ ماں رسانکدر ءَ وتی شنگ کرتگیں درشانے ءَ گوشتگ کہ بی آر اے ءِ سرمچاراں بلوچستان ءِ دمگ ڈیرہ بگٹی ءِ ھند چبدر ءَ انوگیں برجاھیں پاکستانی لشکر ءِ مزنیں بنجل ءِ سر ءَ ترندیں اُرشے کرتگ۔
آئی ءِ گوشگ اِنت کہ اُرش ءِ آسر ءَ لشکر ءِ بازیں کارمند مرتگ اَنت۔
درشان ءَ گوشگ بوتگ کہ سرمچاراں بنجل ءِ دو پھازداریں پانگس دستیگ کرتگ اَنت۔ وھدے کہ چبدر، لوپ سھرانی ءُ کِر ءُ کشانی ھنداں پاکستانی لشکر ءِ کارمند پہ لشکرکشی ءِ نیت ءَ پترگ ءَ اَنت گوں آیاں بی آر اے ءِ سرمچارانی میڑ برجاہ اِنت۔
