بلوچ اسٹوڈنٹس ایکشن کمیٹی ءَ گوشتگ کہ شال پولیس ءِ نیمگ ءَ بلوچ جنکیں نودربر لٹ شاپ کنگ ءُ بدیں زاہ دیگ بوتگ اَنت۔
بساک ءَ گوشتگ کہ جتائیں نودربر گِراں کنگ ءُ پہ زور گاڑیاں سوار کنگ ءُ پولیس گساں برگ ءُ بند کنگ بوتگ انت، وھدے کہ بازیں نودربر گوں ٹپی ئیں جاوراں نادراھجاھاں برگ بوتگ اَنت۔
آئی ءَ دیمتر ءَ گوشتگ کہ پولیس ءَ ھوار واکدار ءِ نیمگ ءَ نودربرانی گون ءَ اے وڑیں رویشت ءَ پیش بوگ ءَ سکا بژن اِنت۔
آئی ءَ گوشتگ کہ بولان وانشجاہ ءِ وابجاہ ءَ شال پولیس ءَ بیڑ برتگ ءُ سرجمیں وابجاہ دستیگ کرتگ۔ نودربر سکا آزار داتگ اَنت ءُ چمی گیس جتگ ءُ سرجمیں وابجاہ انگر کرتگ۔ وابجاہ ءِ ساڑی ئیں درسیں نودربر چہ کوٹیاں کش اِتگ اَنت پہ زور دزگیر کنگ ءِ جھد ءَ کنگ ءَ اَنت۔
یات بہ بہ اِت کہ بولان وانشجاہ ءِ وابجاہ ءَ نودربرانی میان ءَ کسانیں جیڑھے بوتگ ایشی نیمون کنگ ءُ پولیس ءَ وابجاہ ءَ بیڑ برتگ ءُ یک جنگے بندات کرتگ۔
