گوادر ءِ ھند جیمڑی ءَ پاکستانی لشکر ( کوسٹ گارڈ ) ءِ زوراکیانی بگیری ءَ جنیناں بندری ءَ زھرشانی ءَ دگ بند کرتگ۔ دگ ءِ بند بوگ ءِ سوب ءَ دوئیں نیمگاں گاڑی اوشتاتگ اَنت۔
ھندی بنشون ءِ رد ءَ کوسٹ گارڈ ءِ کارمنداں مردمانی تیل کشیں پیکپ گاڑی گپتگ ءُ بند کرتگ اَنت۔
زھرشانی کنوکیں مردمانی گوشگ اِنت کہ تیل کشیں گاڑیانی دارگ گوں ھندی مردماں زوراکی یے۔ اد ءِ مردمانی روزگار تیل کشی اِنت، اگاں اے روزگار بند کنگ بہ بیت ما سکا جنجالانی دیمپان بہ ایں۔
آیاں لوٹ کرتگ ءُ گوشتگ دانکہ مئے گاڑی یل کنگ نہ بوتگ اَنت ما وتی زھرشانی ءَ برجاہ دار ایں۔
