بلوچستان آجوئی سنگر ( بی ایل ایپ ) ءِجارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں مرچی کولواہ ءَ زورگریں دژمنیں لشکر ءِ کاروان دو جتائں ارشاں نشانگ کرتگ چہ ایشی آسر ءَ زورگریں لشکر ءِ نو کارمند مرتگ ءُ باز ٹپی بوتگ۔
آئی ءَ گوشتگ کہ دہ نومبر ءَ یک شمبے ءِ روچ ءَ دوازدہ ءُ نیم ءَ سرمچاراں کولواہ ءِ ھند مراستان ءَ لشکرکشی ءَ آتکگیں لشکر ءِ کاروان نشانگ کرتگ ءُ ایشی آسر ءَ زورگریں لشکر ءِ پنچ کارمند مرتگ ءُ باز ٹپی بوتگ اَنت۔
جارکش ءَ گوشتگ کہ دومی ارش یک شمبےءِ نیمروچ ءِ یک ءُ نیم ءَ کولواہ ءِ سگک ءُ کڈ ءِ ھوٹل ءِ میانجی ءَ میدان ءَ کرتگ کہ چہ ایشی زورگریں لشکر ءِ چارکارمند مرتگ ءُ باز ٹپی بوتگ۔
آئی ءَ گوشتگ کہ مرچی چہ ھوشاپ ءَ لشکری کارمند بازیں کچے ءَ کولواہ ءَ پہ لشکرکشی ءَ آتکگ اَنت، گس گس پٹ ءُ پول کرتگ ءُ مردم ترسینتگ اَنت۔ لشکرکشی ءَ پد زورگریں لشکر ءِ کارمند درکپتگ اَنت گڑا چیریں بھرگ ءِ ٹولی ءِ ھال دیگ ءِ بنیاد ءَ سنگر گپتگ ءُ سرمچاراں گوں اسپیشل آپریشن اسکواڈ ءُ کربان یونٹ ءِ ھواری ءَگوں نوک ءُ مزنیں سلاھاں دژمن ءِ بیست گاڑی ءُ پرپٹانی کاروان ءِ سر ءَ ترندیں ارشے کرتگ۔
جارکش ءَ گوشتگ کہ ارش ءِ زد ءَ چار گاڑی ءُ چار پرپٹ آتکگ دژمن ءِ پنچ کارمند مرتگ ءُ باز ٹپی بوتگ اَنت۔ دژمن ءِ بکتر بند گاڑیاں سرمچارانی انگر کنگ ءِ جھد کرتگ بلے چہ جنگی شوربندیانی سرمچاراں دژمن پروش داتگ ءُ دژمن ءِ شوربندی بے سوب کرتگ اَنت۔
آئی ءَ گوشتگ کہ اُرش ءَ پد ترس آماچیں لشکر ءَ دیم ءَ روگ ءَ ابید کڈ ءِ ھوٹل ءِ نیمگ ءَ شتگ، پمیشکا کہ آ ترس اِتگ اے کوھی ھنداں پد ءَ منی سر ءَ اُرش کنگ بیت۔ پمیشکا لشکر ءَ چہ سگک ءِ راہ ءَ کڈ ءِ ھوٹل ءِ نیمگ ءَ روگ ءَ شر سرپد بوتگ بلے انٹیلیجنس ءَ ھال داتگ کہ لشکر چہ سگک ءُ کڈ ءِ ھوٹل ءِ میانجی ءِ راہ ءَ روگ ءَ اِنت۔ ھمے ھال ءِ بنیاد ءَ سرمچاراں یکبرے پد ءَ سنگر گپتگ ءُ دژمن ءِ دہ گاڑی گوں ترندیں اُرش ءَ نشانگ کرتگ اَنت چہ ایشی آسر ءَ زورگریں لشکر ءِ چار کارمند مرتگ ءُ باز ٹپی بوتگ اَنت۔ اے اُرش نیمروچ ءِ یک ءُ نیم ءَ بوتگ۔
جارکش ءَ گوشتگ کہ زورگریں لشکر وتی زور ءِ شان ءَ اِنت بلوچستان ءِ جتائیں ھنداں رستری کنگ ءُ کودکیں لس مردماں زوراکیانی نشانگ کنگ ءَ اِنت، بلے وھدے کہ آئی دیم پہ دیمی گوں بلوچ بلوچ سرڈگار ءِ ھکی ئیں وارساں بیت گڑا آئی توان ءُ تونگری گوں ھاکاں ھوار بیت ءُ تچگ ءَ ابید پہ آئی ءَ دگہ ھچ راہ پشت نہ کپ ایت۔
آئی ءَ گوشتگ کہ بلوچستان ءِ ھمک دمگ ءَ بی ایل ایپ ءِ سرمچار، چیریں بھرگ، کربان یونٹ، ءُ اسپیشل آپریشن اسکواڈ ءِ بے مٹیں جھد برجاہ اَنت۔ ھمک سنگر ءَ دژمن نہ تیوک ءَ لشکری بلکیں سسائی پروش ءِ دیمپان اِنت۔ چہ ایشی سوب ءَ آئی ءِ توکل ھلاس بوتگ۔ زورگریں لشکر ءِ سرگنوکوئی ءُ ترس سرمچارانی شوربندی ءُ بے مٹیں توکل ءَ پیش دار ایت۔ آ وھد دور نہ اِنت وھدے بلوچستان ءِ دلبند ءَ آزاد بلوچستان ءِ بیرک پہ شانے جنگ بہ بیت ءُ زورگریں توانمند پہ مدامی اے سرڈگار ءَ یل بہ کن اَنت ءُ برو اَنت۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ ترندیں ارشانی برجاہ دارگ ءِ کول ءَ کن ایں۔
