کیچ: چه بلیدہ ءَ زورگریں پاکستانی لشکر ءِ دست ءَ زوربیگواہ کنگ بوتگیں ورنا مسلم آرپ آجو بوتگ۔
اھوالکار ءِ رد ءَ مسلم آرپ ء آرپ بلیدہ ءِ جاہ منند اِنت کہ 15 جون 2023 ءَ زورگریں پاکستانی لشکر ءَ بلیده ءَ چه دکانے ءَ آوار جتگ ءُ بیگواه کرتگ۔ مسلم آرپ ءِ زوریں بیگواھی ءِ بگیری ءَ کھول چہ بلیدہ ءَ داں تربت ءَ زھرشانی روانک ءَ ھوار بوتگ اَنت ءُ تربت شھر ءَ کیچ دمگدار ءِ کارگس ءِ دیم ءَ زھرشانی نندانک ءَ ھم نشتگ اَنت۔
زور بیگواھیں آ مسلم آرپ چہ سالے نیمے ءِ زوریں بیگواھی ءَ پد مرچی آجو بوتگ ءُ گس ءَ سر اِنت۔ آئی آجوئی ءِ گپ کھول ءَ راست کرتگ.
