بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 24 اکتوبر ءِ شپ ءَ نو ءَ تربت ءِ ھند آپسر دو کرم ءَ زوگریں پاکستانی لشکر ءِ سر ءَ گرنیڈ اُرش کرتگ، چہ ایشی زورگریں لشکر ءِ دو کارمند ٹپی بوتگ اَنت۔
آئی ءَ گوشتگ کہ اے اُرش ھما وھد ءَ کرتگ کہ دژمن چہ وتی سنگراں درکپتگ ءُ پٹ ءُ پول ءِ نام ءَ مردماں ترسینگ ءُ کمشرپ کنگ ءَ بوتگ۔ زورگریں لشکر ءِ اے شوندات ھمک روچی کار ءِ بھر اَنت۔ ایشی پارست ءَ آ ھندی مردماں بے سریں پٹ ءُ پول ءُ ترسینگ ءِ پارست ءَ نشانگ کنت۔
جارکش ءَ گوشتگ کہ گل ءِ سرمچار ءُ انٹیلیجنس ونگ ءَ لشکر ءِ ھمک ترّ ءُ گرد ءِ سر ءَ چم سک داشتگ اَنت ءُ پہ دژمن ءِ تاوان دیگ ءَ ھمک جاہ ءَ چاڑکہ اَنت۔ بی ایل ایپ یک راجی گلے ءِ بستار ءَ وتی مردمانی کمشرپ ءُ دلسیاہ کنگ ءَ ھچ وڑ ءَ اوپار کرت نہ کنت ءُ دژمن ءَ لس مردمانی زور ءِ ھواری ءَ ترسناکیں پروش ءِ دیمپان کنگ ءِ کول ءِ سر ءَ اوشتاتگ۔
آئی ءَ گوشتگ کہ دگہ یک ارشے ءَ سرمچاراں بیست ءُ پنچ اکتوبر ءَ آواران ءِ ھند مشکےاوگار ءَ برجاھیں پاکستانی لشکر ءِ پانگس نشانگ کرتگ۔
جارکش ءَ گوشتگ کہ بی ایل ایپ ءِ اسنائپر ٹک تیراں پاگس ءَ ڈن اوشتاتگیں کارمند نشانگ کرتگ ایشی زد ءَ آھگ ءَ لشکری کارمند مرتگ۔
میجر گھرام ءَ اُرشانی زمہ واری منّ اتگ اَنت ءُ گوشتگ کہ داں زورگریں لشکر ءِ درآھگ ءَ دُژمنیں لشکر ءُ آئی شوربندیاں نشانگ کن ایں۔
