ھیبرپکتونواہ: ڈیرہ اسمائیل ھان ءَ پجار نہ بوتگیں سلاہ بندیں مردماں پاکستانی لشکر ءِ پانگس ءِ سر ءَ اُرش کرتگ، پاکستانی لشکر ءِ کم چہ کم دہ ءَ گیش کار مرتگ ءُ باز کارمند ٹپی بوتگ اَنت۔
بنشون ءِ رد ءَ سلاہ بندیں مردماں پنچ شمبے ءِ شپ ءَ ڈیرہ اسمائیل ھان ءِ ھند درازندگ ءَ برجاھیں پاکستانی لشکر ءِ پانگس نشانگ کرتگ۔
اے باروا پولیس ءِ گوشگ اِنت کہ سلاہ بندانی اُرش ھمنچو ترند بوتگ کہ پاکستانی لشکر ءِ گیشتریں کارمند جاھی مرتگ اَنت۔ مرتگیں کارمندانی تہ ءَ یک نوکیں سروگانے ھم گون اِنت۔
