ھاران: پیری بیگاہ ءَ چہ ھاران شھر ءَ زور بیگواہ کنگ بوتگیں ابید اللہ تگاپی ءِ زوریں بیگواھی ءَ زھرشانی کنگ ءِ جار جتگ۔
آئی ءَ گوشتگ کہ پیری بیگاہ ءَ چہ ھاران ءِ مزنیں بازار ءَ ھمل مارکیٹ ءَ میزان بینک ءِ نزیک ءَ نیمروچ ءِ یک ءَ ابید اللہ تگاپی ء ھاجی برکت ءَ پجار نہ بوتگیں سلاہ بندیں مردماں آوار جتگ ءُ بیگواہ کرتگ۔
آئی ءَ گوشتگ کہ ما پہ ابید ءِ زوریں بیگواھی ءِ بگیری ءَ ایپ آئی آر نبشتہ کنگ ءَ پولیس گس ءَ شتگ ایں بلے ایس ایچ او ءَ ایپ آئی آر نبشتہ نہ کرتگ۔
آئی ءَ گوشتگ کہ ما باندا ھمے زوریں بیگواھی ءُ زوراکی ءِ بگیری ءُ پہ وتی آزیز ءِ آجوئی ءَ سھب ءِ دہ ءَ چیپ چاراہ ءَ یک روانکے کش ایں ءُ ریڈ زون ءَ بند کن ایں۔ ما گوں ھاران ءِ شرپمندیں مردماں لوٹ کن ایں کہ اے گرانیں مئے گون ءَ کمک بہ کن اَنت۔
