کیچ: زمباد گاڑیانی بند بوگ ءِ بگیری ءَ مردماں مرچی سھب ءَ ھیرونک ءَ سی پیک دگ زھرشانی ءَ بند کرتگ۔
زھرشانی کنوکیں مردماں ھیرونک دوراھی ءَ گدان جتگ ءُ نشتگ اَنت۔ چہ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت ءُ مساپر سکا جنجال اَنت۔
ھیرونک ءِ جاہ منندیں زمباد گاڑی واھندانی گوشگ اِنت کہ مئے نام چہ لڑ ءَ کشگ بوتگ اَنت۔ مدام مارا دروگیں دلبڈی اِش داتگ بلے مئے ناماں ھوار کنگ ءَ نہ اَنت۔
آیاں گوشتگ دانکہ مئے نام لڑ ءَ ھوار کنگ نہ بوتگ اَنت ما وتی زھرشانی نندانک ءَ برجاہ دار ایں۔
