کیچ: نو سال پیش چہ بلیدہ ءَ پاکستانی لشکر ءِ جوڑ کرتگیں چیریں ادارھانی کارمندانی دست ءَ زور بیگواہ کنگ بوتگیں شاہ مراد ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ شاہ مراد ءَ ریاستی کشندہ ٹولی ءِ کارمنداں چہ کوشک ءَ 15 جون 2015 ءَ آوار جتگ ءُ بیگواہ کرتگ، پد ءَ ھما اِنت کہ شاہ مراد ءِ باروا مارا ھچ وڑیں سرپدی دیگ ءَ نہ اَنت۔
آئی ءَ گوشتگ کہ ما پہ شاہ مراد ءِ آجوئی ءَ آمیدگس ءِ دروازگ ٹک اِتگ اَنت، رسانکدر ءَ کمپین برجم داشتگ پد ءَ ھم پہ آئی باروا مارا ھچ وڑیں دلجمی دیگ ءَ نہ اَنت کہ آ چون ءُ کج ءَ اِنت۔
کھول ءَ گوں مردمی ھکانی کارکن ءُ گلاں لوٹ کرتگ کہ آ پہ شاہ مراد ءِ آجوئی ءَ توار چست بہ کن اَنت۔
