بلوچ آجوئی لشکر ( بی ایل اے ) ءِ جارکش ءَ جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند تجابان ءَ زورگریں پاکستانی لشکر ءِ یک کاروانے گوں اُرش ءَ نشانگ کرتگ دژمن ءَ جانی ءُ مالی تاوان داتگ۔
جارکش ءَ گوشتگ کہ بی ایل اے ءِ سرمچاراں پنچ شمبے ءِ روچ ءَ تجابان ءِ ھند کرکی ءَ سی پیک دگ ءَ زورگریں پاکستانی لشکر ءِ گاڑیانی کاروان ءِ سر ءَ سنگر گپتگ ءُ اُرش کرتگ، سرمچاراں مزن ءُ وتکاریں سلاہ کارمرز کرتگ اَنت، اُرش ءِ زد ءَ دژمنیں لشکر ءِ گاڑی آتکگ ایشی سواریں کم چہ کم یک کارمندے مرتگ ءُ چار ٹپی بوتگ۔
جیھند ءَ اُرش ءِ زمہ واری منّ اتگ ءُ گوشتگ کہ ھمے کول ءَ کن ایں کہ داں زورگریں پاکستانی لشکر ءِ چہ بلوچستان ءَ سرجم ءَ در آھگ ءَ مئے کاروائی برجاہ بنت۔
