پنجگور: زورگریں پاکستانی لشکر ءِ دست ءَ زور بیگواہ کنگ بوتگیں دوئیں برات آبد نور ءُ سابر نور ءِ یل نہ کنگ ءِ بگیری ءَ کھول ءِ نیمگ ءَ کمک دمگدار ءِ کارگس ءِ دیم ءَ چار روچ اِنت کہ زھرشانی نندانک برجاہ اِنت۔
آبد نور ءُ سابر نور ستمبر ءَ چہ پنجگور ءِ ھند چتکان ءَ پاکستانی لشکر ءَ آوار جتگ ءُ بیگواہ کرتگ، چہ کھول ءِ نیمگ ءَ آیانی زوریں بیگواھی ءِ بگیری ءَ زھرشانیاں درچ برجاہ اِنت۔
یات بہ بہ اِت کہ زی ھم کھول ءِ نیمگ ءَ زھرشانی روانکے کش اِتگ اَت مردماں بازیں کچے ءَ بھر زرتگ۔
کھول ءِ گوشگ اِنت دانکہ مئے آزیز یل کنگ نہ بوتگ اَنت ما وتی زھرشانی نندانک ءَ برجاہ دار ایں۔
