شال: بلوچی زبان ءِ شائر ءُ نبشتہ کار ءُ زرمبش بلوچی بھرگ ءِ شونکار سرباز وپا ءِ نبشتگیں کتاب ” جنگولیں پدا“ شنگ بوتگ۔
چہ سباء انسٹی ٹیوٹ آپ ریسرچ اینڈ پبلیکیشنز ءِ نیمگ ءَ شنگ بوتگیں جارے ءَ گوشگ بوتگ کہ اے کتاب پہ نھادی ءَ انوں جتا جتائیں جاھاں وانوکاں دست کپ اِیت۔ وانوک اِیشی ءَ چہ وتی نزیک تِریں کتابجاھاں دز گپت کن اَنت۔
اے کتاب پہ بلوچی لبزانک ءَ جوانیں سوگاتے، اے کتاب ءِ تہ ءَ سرباز وپا ءَ شھید انور بلوچ پنام پدا ءِ جنگی سپر ءُ کسہ جوانیں وڑے ءَ نبشتگ اَنت۔
شھید انور پنام پدا آواران ءِ ھند مشکے ءِ جاہ منند اِنت ءُ بلوچستان آجوئی سنگر ( بی ایل ایپ ) ءِ نامداریں جنگی کماندارے۔ شھید انور پنام پدا 5 اکتوبر 2016 ءَ شھید بوتگ۔
