بلوچ آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زی بیگا ءِ پنچ ءَ تمپ ءِ ھند گومازی ءَ پاکستانی لشکر ءِ ٹولی یے ءِ سر ءَ ھما وھد ءَ سنگر گپتگ ءُ ترندیں اُرش کرتگ کہ لشکری کارمند یک بے سوبین لشکرکشی یے ءَ پد وتی سنگرانی نیمگ ءَ واتری روگ ءَ بوتگ اَنت۔ پاکستانی لشکر گوستگیں دو روچ اِنت کہ تمپ ءِ کوھانی نیمگ ءَ یک دراجکشیں لشکرکشی یے ءَ دلگوش بوتگ سرمچاراں جنگی کارشونی ءُ گوں جنگی جوانیں شوربندی ءَ سنگر گپتگ ءُ گوں شریں کارشونی ءَ دژمن نشانگ کرتگ۔
آئی ءَ گوشتگ کہ سرمچارانی ترندیں اُرش ءَ چار دژمنیں کارمند جاھی مرتگ ءُ دو سکا ٹپی بوتگ اَنت۔ سرمچاراں چہ وتی جنگی کارشونی ءُ اشتاپ کاریں اُرش ءَ پد زوت وت ءَ مھکیں جاھے ءَ سر ءَ کرتگ۔
جارکش ءَ گوشتگ کہ پاکستانی لشکر ءَ بلوچستان ءَ وتی لشکرکشیانی میان ءَ اربانی کچ ءَ زر ھرچ کرتگ ءُ نوکیں لشکری اوزار ءُ ٹیکنالوجی ءَ چہ سریچ اِنت، انگت ءَ چہ ایشی ابید آ سرمچارانی دیم ءَ یکشل ءَ سسائی پروش ءِ آماچ بوگ ءَ اِنت۔ بے ربیتیں جنگی شوربندی، نوکیں سلاہ ءُ ٹیکنالوجی ءِ دیم ءَ ھم پاکستانی لشکر ءَ نادرس کنگ ءَ اَنت۔
آئی گوشتگ کہ بی ایل ایپ نہ تیوک ءَ گوں لشکری میڑ ءَ بلکیں انٹیلیجنس ءُ چاگردی جنگ ءَ جوانیں وڑے ءَ مھکم اِنت، ءُ یک مھکمیں لّس مردمی پلہ مرزیں گلے جوڑ بوتگ۔ بی ایل ایپ ءِ جنگی کاروائی وت ھمے گپ ءِ منانک اَنت کہ آئی نہ تیوک ءَ دژمن ءِ دل ءَ ترسے ودی کرتگ، بلکیں مردمانی دل ءَ باجبری ءِ سکا مھکمیں سوبمندی یے ودی کرتگ۔ راج ءِ تہ ءَ گل ءِ دوست دارگ ءُ آئی ءِ جوانیں کارشونی ءُ ھمک روچیگیں سوبمندیں اُرش شری ءَ گندگ بیگ ءَ اَنت، کہ گل ءِ گھتریں راجی گھگیری ءِ توانمندی ءِ بنیاد ءَ مھکم بوتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں زورگریں پاکستانی لشکر ءِ در آھگ ءَ وتی کاروائیانی برجاہ دارگ ءِ کول ءَ کن ایں۔
بنشون: درشان / اکس: زرمبش
