شال: پجار نہ بوتگیں مردماں شال پریس کلب ءِ دیم ءَ برجاھیں بیگواھیں بلوچانی توار ( وی بی ایم پی ) ءِ شدکشیں زھرشانی گدان مانداشتگ۔
اھوالکار ءِ رد ءَ وی بی ایم پی ءِ کمک سرکماش ماما کدیر گوں آدگہ مردماں زھرشانی گدان ءَ نندوک بوتگ کہ کسے ءَ چہ پشت ءَ گدان مانداتگ ءُ جستگ۔ چہ ماندارگ ءَ گدان ءِ یک بھرے ستکگ۔
اے باروا ماما کدیر وتی تامربندے ءَ گوشگ ءَ اِنت کہ ما ارش ءَ پد پولیس ھال داتگ آ اتکگ ءُ پٹ ءُ پول کنگ ءَ اِنت۔ ما گوں آئی ءَ ھمے لوٹ ءَ کن ایں کہ اُرشکار دزگیر کنگ ءُ جست کنگ بہ بیت۔
یات بہ بہ اِت کہ زور بیگواھیں بلوچانی توار ( وی بی ایم پی ) ءَ پہ زور بیگواھیں مردمانی آجوئی ءَ گوستگیں چاردہ سال اِنت کہ کار ءَ اِنت۔
