بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچستان، کج ءَ پاکستانی ریاست ءَ زوریں زورگپتی برجاہ داشتگ، اود ءَ ھمک روچ ءِ بنیاد ءَ مردم زوریں بیگواھی ءِ دیم پہ دیمی ءَ کنگ ءَ اَنت۔ ھمے نزوریں مردماں آزارانی نشانگ کنت ءُ گیشتر آیاں کش ایت۔ ایشی درسیں زمہ واری زورگریں ریاست ءِ سر ءَ بنت۔
آئی ءَ گوشتگ کہ ما یکشل ءَ ھمے گپ ءَ گندگ ءَ ایں کہ پاکستانی لشکر ءِ پرمان ءِ رد ءَ پولیس لس شھریانی ترسینگ ءَ ھوار اِنت ءُ زورگریں لشکر ءِ سرجم ءَ پلہ مرزی ءَ کنگ ءَ اِنت۔ اے رویشت ءَ نہ منّ این ءُ بازیں وھداں پولیس سیمسر ءَ گواز کنت ءُ مئے سرمچارانی رندگیری کنگ ءِ جھد ءَ کنت۔
جارکش ءَ گوشتگ کہ ما مدام وتی درشانانی پارست ءَ پولیس کڈن کرت کہ آ لشکر ءِ پلہ مرزی ءُ سرمچارانی رندگیری ءَ یل بہ کن اَنت۔ چہ بد بھتی ءَ پولیس وتی رویشتاں مٹ کنگ ءَ نہ اِنت، ءُ ایشی تاوان گڈی ءَ ھم پولیس ءِ وتی سر ءَ کپ اَنت۔
آئی ءَ گوشتگ کہ راجی گل ءِ بستار ءَ ما یکبرے پد ءَ پولیس ءَ گوں ترندی ءَ کڈن کن ایں کہ آ ریاستی لشکر ءِ پلہ مرزی ءُ بے میاریں لس مردمانی ترسینگ ءِ درچ ءِ زوت بند بہ کنت، اگاں نہ آیاں دژمن لیک ایں ءُ آیانی گون ءَ ھما وڑ ءَ پیش بہ ایں۔
جارکش ءَ گوشتگ کہ پولیس ءَ لوٹ ایت کہ آ وتی شونداتانی سر ءَ دلگوش بہ دے اَنت ءُ وتی ردیاں بہ زان اَنت۔ اگاں آیاں ناگیگیں آسرے ءِ دیمپانی کنگ کپ ایت۔ وھد ءِ لوٹ اِنت کہ لس مردمانی پلہ مرزی ءَ بہ کن اَنت ءُ زوراکیں کاروائیاں یل بہ کن اَنت۔
آئی ءَ گوشتگ کہ بلوچستان، تیوک ءَ پنجگور ءَ لس مردمانی گون ءَ پولیس ءِ رویشت بلوچ ربیت ءُ واکداری بگیر اِنت۔ باز براں پولیس کڈن کرتگ بلے چہ ایشی ابید وتی بے دود ءُ زوراکیاں کارپداں یل کنگ ءَ نہ اَنت۔ اے وڑیں رویشتانی بلوچ راجی آمیدگس ءَ سزا تچک کرتگ ءُ مئے گل ءَ اے ھک ھست کہ راجی زرمبشت ءِ بگیریں سرگرمی ءُ لس مردمانی ترسینوکیں دژمن ءُ آیانی پلہ مرزی کنوکاں مرگ ءِ سزا بہ دنت۔
جارکش ءَ گوشتگ کہ بلوچستان آجوئی سنگر ( بی ایل ایپ ) پولیس ءَ گڈی بر ءَ گوں ترندی ءَ کڈن کنت کہ آ زورگریں لشکر ءِ پلہ مرزی، آجوئی لوٹوکیں سرمچارانی رندگیری، راجی زرمبشت ءِ بگیری ءَ سرگرمی ءُ بے میاریں مردمانی دلسیاہ کنگ ءِ وڑیں زوراکیں کاراں یل بہ کنت، اگاں پولیس ءَ وتی رویشت مٹ نہ کرت اَنت آیاں ترندیں آسر ءُ پہ گرانیں سزا ءِ دیمپانی کنگ ءَ جاڑیگ بوگی اِنت۔
میجر گھرام ءَ گوشتگ کہ اے گڈی بیھار اِنت ءُ چہ ایشی پد ھچ وڑ ءَ بکشگ نہ بنت۔
