بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں شمبے ءِ بیگا ءِ پنچ ءَ کیچ ءِ ھند مند ،چکاپ ءَ برجاھیں زورگریں پاکستانی لشکر ءِ ٹوھیں بنجل ءِ پانگس چہ دو نیمگ ءَ گوں ٹوھیں سلاھاں نشانگ کُرتگ، اُرش داں پانزہ دمان ءَ برجاہ بیتگ۔
آئی ءَ گوشتگ کہ اے اُرش ءَ گل ءِ اسنائپر ٹک تیراں پیسر ءَ دژمن ءِ دو کارمند نشانگ کُرتگ ءُ کُشتگ، پد ءَ سرمچاراں داں پانزہ دمان ءَ پانگس گوں نوک ءُ ٹوھیں سلاھاں نشانگ کُرتگ کہ چہ ایشی ءَ دژمن ءَ گیشتِر جانی تاوان بیتگ۔
جارکش ءَ گوشتگ کہ اے اُرش ءَ دژمن ءِ پانگس ءِ یک بھرے سرجم ءَ تباہ بیتگ۔ دژمن ءَ وتی پروش ءِ چیر دیگ ءَ وتی مُرتگ ءُ ٹپی بیتگیں کارمندانی پجار ءِ چیر دیگ ءِ بے سوبیں جُھدے کنگ ءَ اِنت داں کہ وتی لشکر ءَ چہ دلپروشی ءَ بہ رکین ایت۔
آئی ءَ گوشتگ کہ اُرش ءَ پد پروش وارتگیں دژمن ءَ کوھی دمگاں ماٹر آس داتگ ءُ سرمچارانی رندگیری کنگ ءِ جُھد کُرتگ بلے سرمچار پہ دْراھی وتی مھکمیں ڈواراں سر بیتگ اَنت۔
جارکش ءَ گوشتگ کہ بی ایل ایپ راجی گلے ءُ بی ایل ایپ ءِ ھرچ کار گوں شوربندی ءُ اِھوتی پتر ءِ پٹ ءُ پول ءَ پد کنگ بیت داں کہ گھتر ءُ مھکمیں کارانی پارست ءَ دژمن ءَ گیشاں چہ گیش تاوان بہ بیت ءُ آ گیش زھنی ءُ سَسّائی پریشانی ءِ آماچ بہ بیت ءُ اے کارشونی چیرجنگی جنگ ءِ لوٹ اِنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ دژمنیں لشکر ءَ نشانگ کنت۔
